فلسفة.. شعر لبني عطا

فلسفة.. شعر لبني عطا شعر- أرشيفية

شعر – لبني عطا

سقراط كان فيلسوف جدا
يجادل  500واحد
وفجأة لما جاله الموت
عرف إن الإله واحد
عطاه روحه كمان برضاه
ومين عارف كمان يمكن
طلب ما الجنة تبقى معاه
ونوح اللى عصاه إبنه
وشق البحر متعصب
فحاول م الطوفان يهرب
يروح علي التل
ولجل المعجزة تحصل
يقوم مختل
وماتت روحه بتعافر
لو إن الإبن بر الأب نهائى
مكانش مات كافر
ويوسف وأخوته والبير
مشفتش كدهم بيغير
دا فيهم حقد عميانى
لو إن الفضل يرجع له
أول ماشب ونما
راح دور على أهله
المصرى شافه انحنى
مع إنه كنعانى
وأبوه اللى صابه العمى
رجع بصير تانى
اوعوا تقولوا الوجع
م الأقربين أولى
الصبر وسط الحوارى الضيقة دولة
الصبر وسط الضباب
عاجز ولا حول
هنجيب منين أيوب
يصبر كمان تانى
هنجيب منين أيوب
يصبر كمان تانى

الوسوم