ياشهداية.. شعر عبد الله الهواري

ياشهداية.. شعر عبد الله الهواري

شعر: عبد الله  الهواري

 

يا شهداية

ياللى ف الجمال اية

عدى وخشى

جوة شرايينى واتمشى

عدت مواسم حزن ف قلبى وماتت

ومشاعر شربت هم ما يتعد

ان الاوان تفوق.. وفاقت

من حقها تشوف ربيع.. تطرح ورد

عنيكى السودة ورموشك الغارقة سواد

جم بالظبط ع المعاد

اطرحى ورد اطرحى وداد

اوعى تطرحى بعد

يا ام الرمش الطويل

انا شعبت مواويل

انا مليت م الليل

خلى شمسك تبعت نور

يشفى قلب عليل

ويعيش ايام ما عاشهاش

وان كنتى ناوية تجرحى

وحياتك ابقى اتعبى

وحضرى قطن وشاش

اصل قلبى جرب كتير الجراح

قبل ما يشوفك

وقال من غلبه

يا اهل الهوى سماح

يا بت ياللى حروفك

بيعملوا معنى

الوسوم