هو وهي.. شعر مصطفى جمعة

هو وهي.. شعر مصطفى جمعة الشاعر مصطفى جمعة

هو ساكت رغم انه
في كلام جواه كتير
هى محتاجه اهتمامه
هى قاصده انه يغير
هو عاشق اسئلتها
كنت فين طول النهار؟
كنت قافل ليه موبايلك؟
كنت مع مين انتظار؟
انت ليه بطلت تسأل !
عامله ايه ؟ مالك ف اى؟
هى جوه منها جرح
من عيونه بتداريه
هو حاسس بيها لكن
مش مبين شوقه ليها
هو عاشق الاماكن
بكل لحظه ونظره فيها
هو نفسه تشتكيله
هى حاسه شوقه مات
هى عايزه اهتمامه
هو ساكت من سكات