من أول السطر

من أول السطر

كلمات – عبدالله الهواري

إهداء للشاعر أحمد حسن مراد

من أول السطر

ده أستاذ الشعر

مش بس كده

أستاذ أشياء مالهاش حصر

بيشربنا عصير حياته كاس

ف إيد ماسك الأوراق وبيسطر وبينقش

وف الإيد التانية ماسك عصاية وبيشاور على دايرة

ف وسطها حرف الضاد

بتشع ضوء بيرسم تشكيل الحروف

فوق الضاض فتحة وفوق الدال سكون

بيشرح المعنى المكنون

بيقول عشان تكون

يا تحرك بحرفك ساكن يا متحركوش

سيبه ف مكانه مركون

كلامه اللى بيرسم المعنى كامل ومجاز

بيلزمك بواجب النفاذ

وصوته المليان بنبرات الفعل الشارح

بيخليك رايح

ناحية المعنى اللى وسط الكلام مدفون

وعيونه اللى فيها العلم طارح

بتاخد من لمعانها معنى الايجاز

فتعمل إنجاز

هو هدفه المراد

فتكتمل زاوية مختلفة ف الابعاد

تعالى زيي طير ف الفضا

تطير فراغ تحط إعجاز

ومحور الارتكاز

الأستاذ مراد

الوسوم