مصر يا بلدى قصيدة لـ ” لبنى عطا “

مصر يا بلدى قصيدة لـ ” لبنى عطا “ لبني عطا

شعر :  لبنى عطا

 

مصر قبلة نبض حى

مصر صوت الصحبجية

من غناوى الشيخ أمام

مصر قصر وبيت صغير

حاصلة فيه كل الظروف

مصر لمة كل حارة

قلب واحد ع الفطار

مصر ف خناق العيال

قالبة أم تحن ليهم

والصليب وايا الهلال

لما تتعب

تجرى تتسند عليهم

مصر رغم الزحمة تضحك

لما بيفوتها الطابور

مصر جامعة جوه جامعة

لما تنجح

كات بتلمع فوق عنيها

ألف لمعة

مصر ف وشوش الغلابة

كات بتمسح كل دمعة

مصر يعنى اتنين

وشبطوا فى بعض أهلى أو زمالك

والقهاوى صوتها يعلى

لما بتشجع لذلك

لو سألت وكنت تايه

ألف مين تلقاه يدلك

مصر رغم الوحدة دايما

هى أجمل شىء فاضلك

مصر يعنى فرح لصاحبك

تبقى فيه أخر شياكة

لما واحد اد جدك

فى الطريق تاخد بأيده

مصر يعنى أنك تعافر

لجل قوتك كل يوم

مصر ليه سابتك تسافر

لما قتلتها الهموم

مصر شاب رغم فشله

كان بيدعى بالهدايه

مصر شاعر كل مرة

كان بيبكى فى المراية

مصر نكته لما تطلع

اللى جنبك

ييه وبايخه

لما تفرح يوم أجازة

اوعوا بكرة اصحى بدرى

مصر لما الوالدة تدعى

يضحك القلب المكشر

مصر ع الميدنه بتدن

اوعى فى صلاتك تأخر

الوسوم