شعر| في حياتك

شعر| في حياتك الشاعر مصطفى جمعة

 

بقلم: مصطفى جمعة

ف حياتك ناس بوشوش..
ف حياتك حب زمان..
حبك ومحبتهوش..
ف حياتك جرح وجوا
الجرح مكان وأمان ..
والجارح أصلا منك ..
أو منك كان مجروح ..
هتعيش الماضى وتفضل..
تتعلق بالمسموح ..
هتحب ويفضل حبك ..
عايش بحلاوة روح..
ف حياتك صدمة ف حد
حبيته أكتر م اللازم
الظاهر شخص فلاتى
ومن جواك واحد حازم
ف حبيبتك عشق وذكرى
وف قلبك خوف من بكرة
وف عز الخنقة بتضحك
وف وسط الفرحة بتبكي
تعبان من ألمك لكن
مش عايز تشكي وتحكي
ف حياتك حب وغيرة
ف حياتك ياما كلام
وف قلبك ياما مشاعر
وف روحك ياما آلام

الوسوم