خايف عليك

خايف عليك

شعر – عبدالله الهواري

خايف عليك

يا قلب من كتر النوح

عارفك مجروح

لازم تبوح

بتلضم حروفك

عقد شعر

لا شعرك مخفف

وجع ولا مطيب

جواك جروح

ترص كلامك بدمعك

موزون والشعر

في سوق الهوى

مالوش اتباع متباع

وبعتر في الهوا العربون

تسهر طول الليل

تشيل وتحط

وتبدل وتغزل

خيطان مواويل

صافية ما فيهاش

عكار وسوق الهوى

جبار ما ينفعش معاه

أشعار لا قصيدة

بتحسسه بأشواق

ولا بيت يحركله فؤاد

يا ما عشاق قبلك

هنا وهناك

كانوا شطار

قالوا شعر زيك

لا نفعهم في وقت

لقا ولا شفاهم

في وقت فراق دنيا الهوى

مش هية والعشاق

مالهمش دية

وأنت مين اللي دلك؟

وإيه بس اللي وداك؟

الوسوم