الشاعر.. قصيدة للبنى عطا

الشاعر.. قصيدة للبنى عطا الشاعرة لبنى عطا

تعريف الشاعر كالتالي

متأثر جدا بالواقع
معجون فى خيال
بيرص على الناصية مراكب
وبيهدي الشط الخلخال

بيسوق النجم بدون بنزين
وينادي القمر آخر راكب
من غير رخصة

فيدوس على كل اللي فى وشه
ويوقف خمسة فى كل مدار

ينزل ع الأرض بدون ميلة
ويخش البار يشربله كاسين

أحزان يسكر فيخش النار

علما بأن الشاعر اصلا

على رأى مهيب الركن
ما قال “كل شاعر أصله شارع زاد عليه الدوس نطق”
كل شىء فى الدنيا باقي
خلي موتنا علينا حق
كل شاعر كهف مهجور
دون تروس له حياة متمنهجه من غير دروس
بيخلى المية تموت عطشا
ويشاور للعطشان يغرق
بيسب الموج ويسد البحر
ويغيظ الشمس تموت م القهر
فينادى الشجرة توقف تاكس
ويشيد م الدمع اجمل قصر
بيعاكس حواديت الشارع
ويبجح فى اللى يعاكس مصر

الوسوم